دەسگیرکردن بکوشەیل شوانیگ لە نەینەوا
2024-07-02T13:35:07+00:00
شەفەق نیوز/ پولیس نەینەوا، ئمڕوو سێشەممە، توەنست بکوشەیل شوانیگ لە قەزای بەعاج دەسگیر بکەێد.
نایف شمەری نوێنەر لە پارێزگای نەینەوا ئەرا ئاژانس شەفەق نیوز وت: دویای پەیوەندی وەرد وەزیر ناوخۆ و دروسکردن تیمیگ پیشەیی لە ئەفسەرەیل پولیس نەینەوا، پولیس توەنست ئەو تاوانبارەیلە دەسگیر بکەێد کە شوانەگە رفاننە و کوشتنە.
شمەری دیاری کرد کە چوار توومەتبار دەسگیرکریانر و هانە لێکۆڵینەوە لە رویداوەگە.
لە کۆتایی مانگ ئایار، شوانیگ لە یەکیگ لە ناوچەیل بەعاج رفیا، و بڕفنەیلی داوای بڕیگ پویل لە خاوەنی کردن، وەلێ وەرجە چەن رووژیگ وە کوشیای پەیا کریا.
