دەسڵاتدارەیل عراق دەسگرن وەبان مادەی "کریستال" و بازرگان مادەی هووشبەرەگە دەسگیرکەن
لە بەیاننامەی دەسەگە کە رەسیەس ئاژانس شەفەق نیوز هاتیە، "وەڕێوەبەرایەتی دەروازەی زرباتیەی سنووری توەنستنە گەشتیاریگ بیانی دەسگیربکەن کە (٢٣٠) گرام مادەی کریستال وەپی بویە چگەس ئەرا ناو هۆل گوزەرنامەیل وەلایەن هێزەیل پاراستن دەروازە وە هاوکاری وەگەرد یەکەی مادەیل هووشبەر دەروازەگە و یەکەی تەکنیکی تەقەلاگەی قاچاغکردن و هاوردنە ناوی ئەرا ناو وڵاتەگە پویچەوکردنە".
دیاریکرد "راپۆرتیگ یاسایی ئەرای رێکخریاس و توومەتبارەگە و مادەی هووشبەرەگە ئەرا یەکەی دژە مادەی هووشبەر بەدرە کلکریانە تا رێکاریل یاسایی گونجیایگ وەرانوەری بگیرێد".
هەواڵگێری سەربازی بازرگانیگ مادەی هووشبەر دەسگیرکردن کە ( 40،000 ) أهەزار دەنگ حەب مادەی هووشبەر وەپی بویە لە پارێزگای نەینەوا.
لە بەیاننامەیگ وەڕێوەبەرایەتەگە رەسیە وە ئاژانس شەفەق نیوز هاتیە، "وەپای زانیاری هەواڵگێری هویردیگ لە؟یەکەی تیپ بیس و وەهەماهەنگی وەگەرد دەزگای هەواڵگێری عراقی و هاوکاری هیزیگ لە لیوای شەست، لە ئەنجامداین ئەرکیگ جویری ، بازرگانیگ مادەی هووشبەر دەسگیرکردنە و دەسگردنە وەبان ( 40,000 ) هەزار دەنگ مادەی هووشبەر لە جویر کبتاگۆن لە ناوچەی ئو الزێبان سەر وە قەزای شەنگال، توومەتبار و مادە هووشبەرەگە دریاسە دەس لایەن پەیوەنیدار لەدویای تەواوکردن رێکارەیل یاسایی پێویست".
