هێزەیل ئەمنی بازرگانیگ مادەی هوشبەر کوشن و دوانتریش دەسگیر کەن لە بەغدا
شەفەق نیوز/ سەرچەوەیگ ئەمنی وەرپرس، ئمڕوو یەکشەممە، خەوەردا لە کوشیان بازرگان مادەی هوشبەر لەبان دەس هێزەیل ئەمنی دویای ئەوەگ ڕازی نەوی خوەی بیەێد وەدەس لە باکور بەغدای پایتەخت عراق.
سەرچەوەگە وە ئاژانس شەفەق نیوز خەوەردا، هێزەیل ئەمنی لەماوەی دانان تەڵەی تونیگ و چەودێری وەردەوام ئاخڵەی شوین بازرگان هوشبەرەگە دان لە سنوور ناوچەی حوسەینیە باکوور بەغدا.
وتیش، هێزەیل ئەمنی داوا لەلی کردنە خوەی بیەید وە دەس باوجی فەرمانەگە جیوەجی نەکردیە هەڕاکردیە ناچاریان کرد گولە بتەقنن ک کەفتە وەر ملی و وەی مدوویە گیان لە دەسدا.
لە رویداویگتر سەرچەوەگە وتیش، هێزەیل ئەمنی دو تاوانبار دەسگیر کردنە بازرگانی وە مادەی هوشبەر کردنە لە سنوور شار سەدر لە خوەرهەڵات بەغدا.
سەرچەوەگە وتیش یەکیگیان ئەندامە لە دەزگای حەشد شەعبی، دیاریکرد 970 پارچە مادەی هوشبەر لە جویر کریستال و چەک لە جویر دەوانچە و تەرازوی وسێ مۆبایل وەگەردیا دەسنریاگە وەبانیان.
