دەسنریا وەبان 100 تەن دەرمان بی مووڵەت و دەسگیرکردن 16 کەس وە توومەت بازرگانیکردن لە بەغداد و 6 پارێزگای ترەک
دەزگاگە لە بەیاننامەیگ رەسیە ئاژانس شەفەق نیوز وت، "لەچوارچمگ گەردین چەودێری و وشکنین کە مەفرەزەیل ئەمنی ئابووری ئەنجامی دانە وە هاوکاری وەرد تیمیگ پزیشکی، لەدویای وەرگردن رەزامەنی دادگا مەفرەزەیلمان توەنستنە ئەماریگ پزیشکی لە خوەرئاوای بەغدا بوەسن کە پێکهاتبوی لە دەرمان و مادەیل ماوەوەسەرچگ لەناوی بویە، بیجگە لەوەگ رەزامەنی فەرمی نەیاشتیە".
وتیش "خاوەن ئەمارەگە دەسگیرکریایە کە کارەیل ساختەکاری بازرگانی کردیە کە زیاتر لە (450) پارچە دەرمان جویراوجویر وەپی بویە".
وتیش، "مەفرەزەیلمان لە پارێزگایەیل (دیالە، واست و سەڵاحەدین و کەرکوک، و زیقار و موسەنا) هەمیش توەنستنە دەسبنەن وەبان زیاتر لە (100) تەن دەرمان قاچاخکریاگ و بی مووڵەتو دەسگیرکردن (15) توومەتبار لەدویای ئەوەگ زانیاری هەواڵگیری هویردیگ رەسێد کە تەقەڵای وەناوکردن ماشینیگ بارهەڵگر دەرمان دانە ئەرا ئەو پارێزگایەیلە".
دەزگاگە وتیش " لێدوان لەلیان وەرگیریاس وەگەرد دەسوەبان نریاگەیل ئەرا لایەن دادگایی تایوەت کلکریانە تا رێکارەیل یاسایی گونجایگ ئەرایان بگیرێد".
