دیالە بەرزترین ئامار رویداوەیل هاتوچو لەماوەی چەن ساڵیگ توومار کەێد
شەفەق نیوز/ فەرمانگەی تەندروسی دیالە، ئمڕوو سێشەممە، راگەیان بەرزترین ئامار رویداو هاتوچو لە مانگ ئاب گوزەشتە لەماوەی چەن ساڵیگ گوزەشتە توومارکردیە، داوای هەڵمەتیگ هوشیارکردن ناخاڵەیل و خاوەن ماتوورسکیڵەیل کەێد.
فارس عەزاوی وەرێەوبەر تەندروسی دیالە وە ئاژانس شەفەق نیوز وت: خەسخانەیل پارێزگاگە لەماوەی مانگ ئاب گوزەشتە زیاتر لە 30 رویداو هاتوچوی لە گشت پارێزگاگە توومارکردیە، بەشەیگ فرەیان مردنە ئەوەکانتر تویش زەخمداری سەخت و سووک هاتنە.
عەزاوی دووپاتکرد " کادرەیل تەندروسی و پزیشکەیلە سەرکەفتی بوینە لە چارەسەرکردن بەشیگ فرە لە پسایەیل سەخت لە ری پیلانیگ تون و تیم فریاگوزاری تایوەت لە پیشوازیکردن رویداوەیل تویش بوی وە رویداو هاتوچوی، دیاریکرد، " بەشیگ لە پسایەیل سەختیگ بویە ئەرا خەسخانەیلتر کلکریانە لە دەیشت پارێزگاگە و وە داواکاری کەسوکاریان.
وتیش، هەبوین بریگ فرە لە رویداوەیلە هووکارەگەی ناخاڵەیلن و خاوەن ماتۆرسکیڵەیل و داوای هەڵمەتیگ هوشیارکردن کۆمەڵایەتی کەیمن وەگەرد رێکارەیل یاسایی ئەرا سنووردارکردن رویداوەیل مردن.
