خوەڵوتوز بوودە هووکار رویداویگ دڵتەزن لە کەربەلا.. وینە

شەفەق نیوز/ وەڕێەوبەرایەتی وەرگری شارستانی، ئمڕوو یەکشەممە، خەوەردا لە زەخمداری چوار کەس وە رویداویگ هاتوچو لەوەر نەمان نوورستن وەهووکار بەرزەوبوین خوەڵوتوز لە پارێزگای کەربەلا.    

وەڕێەوبەرایەتیەگە لە بەیاننامیگ رەسیە ئاژانس شەفەق نیوز وت: مەفرەزەیل وەرگری شارستانی ناوچەی (حوڕ) چوار هاووڵاتی لەناو ماشینیگ مارکەی ستاریکس دراواردن دویای ئەوەگ دالە ماشینیگ بارهەڵگر لەبان ری جەمالیە – حەسوە، و ئەو  ئاگرە کپەو کردن ک چیە کەپووڵ ماشین بارهه‌ڵگرەگە.    

بەیاننامەگە وتیش: تیمەگە توەنست زەخمدارەیل لەناو ماشینگە درارێد، و رەسانەیانە خەسخانە. 

وەڕێەوبەرایەتیەگە وتیش: رویداوەگە وەهووکار تونی زیای وەگەرد کەمی ئاست نووڕستن لەوەر تەپوتووز بویە.