خوەنەواریگ چوودە ناو مەکتەویگ لە بەغداد ودەفتەرەیل تاقیکردنەوە سزنێد

شەفەق نیوز/ سەرچەوەیگ ئەمنی، ئمڕوو چوارشەممە، وت: خوەنەواریگ چیەسە ناو مەکتەویگ لە بەغداد،  ودەفتەرەیل تاقیکردنەوە سزانیە. 

سەرچەوەگە ئەرا ئاژانس شەفەق نیوز وت: خوەنەواریگ لەناوچەی سەبعلبۆر لە باکوور بەغداد پایتەخت، ئەرا ناو مەکتەوەگەی دزە کردیە، هەنای کەسیگ لەناوی نەویە، و شویشەی ژوورەگە شکانیە ک دەفتەرەیل تاقیکردنەوەی وەزاری لەناوی بویە، ئیجا ئاگری دایە.  

سەرچەوەگە وتیش: هیزیگ ئەمنی رەسیە شوین رویداوەگە، ولێکوڵینەوە لە رویداوەگە واز کرد و نووڕیە کامیرایل چەودیریکردن، تا بڕەسێدە شوین ئەو خوەنەوارە، وتیش: خوەنەوارەگە لە پرسیارەیل تاقیکردنەوەگە جواو نەیایە.