حوسێنیەی بەغدا...دەسگیرکردن بازرگانیگ مادەی هوشبەر ک کریستال و بۆمب و چەک وەپی بویە
2023-08-10T07:50:59+00:00
شەفەق نیوز/ پۆلیس فیدرالی، ئمڕوو پەنجشەممە، راگەیان بازرگانیگ مادەی هوشبەر دەسگیرکردنە ک زیاتر لە کیلوگرامیگ مادەی کریستال هوشبەر و نارنجە و چەک و پویل بیانی و ناوخوەیی ساختە وەپیان بویە لەناوچەی حوسیێنیەی بەغدا لە باکوور بەغدا.
لە بەیاننامەیگ رەسیە ئاژانس شەفەق نیوز وت، لێدانەیل ئازاربەخش و یەک لەدویای یەک دژ وە بازرگانەیل مادەیل هوشبەر جیوەجیکریا وەلایەن پۆلیس فیدراڵی وە پشت بەسین وە تەقەلای هەواڵگیری، هێزەیل لیوای 20 لە تیپ پەنجەم پۆلیس فیدراڵی وە هاوبەشی وەگەرد مەفرەزەیل هەواڵگیری لیوا، یەکیگ لە توومەتبارەیل بازرگانیکردن وە مادەی هووشبەر لە ناوچەی حوسێنیەی بەغدا دەسگیرکریا و وەپای بڕگەی مادەی 28 هوشبەر داواکریابوین.
وتیش، دەسگیریاە وەبان 1040 گرام مادەی کریستال، و 7 نارنجەک، تفەنگیگ کلاشینکۆف، دەوانچە، یک ملیۆن دینار لە جویر 25 ساختە، 96 گەڵای ساختە لە جویر 100 دۆلار، یەک شریت بی کەی سی 115 گولەیی، توومەتبارەگە و کەرەستەیلە وە شیوەی یاسایی دریارە دەس لایەنەیل تایوەت ئەرا تەواوکردن رێکارەیل یاسایی و لێکۆڵینەوەی پێویست.
