حکومەت هەرێم وەی نزیکە سەنتەریگ ئەرا چارەکردن ئاڵودەیل مادەێل هووشبەر واز کەێد
شەفەق نیوز/ حکومەت هەرێم کوردستان لە رێ کەرت تاێەەت پڕۆژەیگ ئەرا دروسکردن سەنتەریگ تایبەت وەچارەکردن و خاسەوکردن ئالودەبۊیەیل ماددە هووشبەرەیل جیوەجی کەێد. یەکەمین جۊرە لەی سەنتەرە لە هەولێر پایتەخت درووسبکریەێد.
دەسڵاتدارەێل هەرێم و عراق جۊر تاوانبار مامەڵە وەگەر ئالودەبۊیەێل کەن و وەگورەی یاسا دەستگیرکریانە باوجی وەدروسکردن ئی سەنتەرە ئەو ئالودەبۊیەیلە جۊر بیمارەێلتر چەودێری و مامەلە وەگەردیان کەێد و دۊوارە خاسەوکریەن ئەرا وەرێوەبردن زنەیی ئاسایی خوەیان.
پڕۆژەگە بیرۆکەی وەبەرهاوردن ناوخوەییە و دۊیای وەرگردن ڕەزامەنی ئەمنی (ئاسایش) پێشکەش ئەنجومەن وەزیران کریایە ک ئەویش پڕۆژەگە پەسەنکردییە و وەزارەت شارەوانیش رووبەری 20 هەزار مەتر چوارگوشە زەۊی ئەرا دروسکردن سەنتەرەگە دابینکردییە.
ئیبراهیم ئیدریس باپیر سەرۆک ئەنجومەن ئیدارەی پروژەی داڤینچی لەی باوەتە وت: ئەوان پیشنیاز پڕۆژەگە کردنە وە ناوەن راگەیان و زانیاری سەر وە حکومەت هەرێم، ئیسە گشت رێکارەیلی تەواو بۊیە، بڕیار دانە دەسبکەن وە دروسکردن بینایەگە.
وتیش؛ " بەش تایوەت وە کەسەێل مەدەنی دابین کریایە" لە ماوەی سێ مانگ کریەێد جەسەی تۊیشبوویەگە وە تەواوایپاکەو بکریەێدلە هوشبەرەێل وە ری وەکارهاوردن دەرمان.
بڕیارە سەنتەرەگە بەشەیل چارەسەر پزشکی، و شۊن مانەوە، و راهێنان وەرزشی، چارەکردن گرێدە خوەی.
سەنتەرەگە وەرێوەبەرایەتی ئەمن گشتی سەرپەرشتیاری کەێد، وە هاوبەشی گشت وەزارەتیل: وەزارەت تەندروسی، و وەزارەت کار و بار کۆمەڵایەتی، و پەروەردە و فێرکاری لە هەرێم کوردستان.
