٢٤٢ تاسیان نوو لە دو پارێزگا لەوەر خوەڵوتوز

شەفەق نیوز/ سەرچەوەیلیگ پزشکی لە پارێزگایل بابل و کەرکوک، ئمڕوو شەممە، ئاشکرای توومارکردن ٢٤٢ تاسیان نوو لەوەر خوەڵوتوزەگە کردن. 

سەرچەوەیگ تەندروسی لە پارێزگای کەرکوک ئەرا ئاژانس شەفەق نیوز وت: خوەڵوتوزەگە ک دەێد لە کەرکوک بۊە هووکار ١٥٠ تاسیان نوو، تا پارێزگاگە هەرلە دۊای نیمەڕو رووژ چوارشەممەی گوزەشتە تا ئیسە ٤٠٠ تۊشهاتن تاسیان توومار بکەێد.   

سەرچەوەگە وتیش: شمارەی ئەو تۊشهاتنەیل تاسیانە ک لە ماوەی خوەڵوتوزەگە هاتنە خەسخانە رەسیە ٦٢٢ کەس. 

لەلای خوەییش،  سەرچەوەیگ لە پارێزگای بابل ئەرا ئاژانس شەفەق نیوز وت: شمارەی تۊشهاتنەیل تاسیان ک لەلای فەرمانگەی تەندروسی توومار کریایە رەسیە ٩٢ کەس لە گشت ناوچەیل پارێزگاگە، ١٣ لەلیان تۊش "رەبو" هاتنە.