تەندروسی دیالە دەسنەێد وەبان 190 تەن دەرمان قاچاخ
2024-03-05T14:56:45+00:00
شەفەق نیوز/ فەرمانگەی تەندروسی دیالە، ئمڕوو سێشەممە، راگەیان دەسگردنە وەبان زیاتر لە 190 تەن دەمان قاچاخکریاگ لە پارێزگاگە لەماوەی شەش مانگ گوزەشتە.
وەڕێوەبەر راگەیانن فەرمانگەگە فارس عەزاوی وە ئاژانس شەفەق نیوز وت، "رێژەی قاچاخکردن دەرمان لە دیالە یان لە ریگەیل ترەک ئەرا ئەو شارەیل ترەک عراقی وە شیوەی وەرچەوەیگ داوەزیایە کە رەسیە نزیکەی 90 % وە بەراورد وە ساڵەیل وەرین لەئەنجام دروسکردن لیژنەیگ هاوبەش وەگەرد سەندیکای ئەمنی ئەرا وە دویاچگن ئێ دۆسیە".
وتیش "لەماوەی شەش مانگ کۆتایی دەسنریاس وەبان نزیکەی 193 تەن دەرمان قاچاخکریاگ لە ری زیاتر لە 40 بارهەڵگر کە فرەیگیان لەبان ری بەغداد ـ کەرکوک دەس وەبانیان گیریایە، لە یەکیگتر 40تەن لەناو دوو بارهەڵگر لە بازگەی (مودرع) لەماوەی ئێ هەفتە".
دیاریکرد "گرنگی فرەیگ درێد وە دۆسیەی دەرمان قاچاخکریاگ و ماوە وەسەرچگ و لەدویای ەوەگ وەشیوەی فرەیگ بڵاوەوبوی و بویە هەڕەشە وەبان تەندروسی هاوڵاتیەیل".
