تەنیا یەک لەناو ١٠٠ عراقی واکسین کۆڕۆنا وەرگردگە
2021-07-30T07:35:13+00:00
شەفەق نیوز/ بەیاننامەیل رەوانگەیلیگ جهانی دەرخستنی ک ١٢ دەوڵەت لەلای کەمەو هیمان ئاست وەرگردن واکسین لەناویان کەمە، و لە ١ لەسەد رەد نێکەێد.
وەگورەی بەیاننامەی ماڵپەڕەگە، بەشیگ لە دەوڵەتەیل توانای رەسانن واکسینەگە لە یەک زیاتر لە ناو ١٠٠ هاووڵاتی نەیاشتن، لەلیان: هاییتی، و باشوور سودان، و تورکمانستان، جەزائیر، مالی، بینین، بورکینافیسو، چاد، مەدەغەشقەر، سوریا، بابوا گینیای نوو، و عراق و یەمەن.
هەژمارە دڵتەزنەیلە دەرخستن ک دەسەڵاتەیل کۆمار کۆنگۆی دیموکراتی توانای رەسانن واکسینەگە ئرا زیاتر لە ٠،٠٩ لە سەد لە دانیشتوەیلی وەیەک تاقەبەش نەیاشتن.
ئی بەیاننامەیلە لە وەختیگ تیەن ک پسپۆڕەیل هووشداری کەن م داوەزین ئاست وەرگردن واکسین لە کۆمەڵگایلە بوودە هووکار دروسکردن ژینگەیگ ک ئەرا ڤایرۆسەگە ئاسانەو بوود خوەی ئەرا چاپیگ دڕندەتر ئاڵشت بکەێد.
