تەندروسی هەرێم کوردستان: ٧٠٠ هەزار کەس واکسین کۆڕۆنا وەرگردگە
شەفەق نیوز/ ئاڵان حەمە سەعید وەزیر پەروەردە و سامان بەرزنجی وەزیر تەندروسی، ئمڕوو چوارشەممە، وتن: هەردوگ وەزارەتەگە تەقەلاەن زیاتر هەژمار لە مامووستایلە و کارمەنەیل کەرت پەروەردە وەگەرد نزیکەوبوین ساڵ خوەنستن نوو ٢٠٢١ - ٢٠٢٢ لە هەرێم کوردستان واکسینەگە وەربگرن.
وەزیر پەروەردە لە کۆنگرەیگ رۆژنامەوانی هاوبەش وەگە وەزیر تەندروسی لە مەوقەی وازکردن بنکەی واکسینیگ لە شار هەولێر وت: مامووستایل پارێزگای دهۆک بەرزترین رێژەی وەرگردن واکسینەگە لە کوردستان تۆمار کردنە.
وتیش؛ ئامادەکاری لە پارێزگای سلێمانی ئەرا وازکردن بنکەی واکسین ئەرا زیاتر هەژمار لە مامووستایلە و فەرمانبەرەیل پەروەردە وەگەرد ساڵ خوەنستن نوو کریەێد.
لەلای خوەییش، وەزیر تەندروسی لە کۆنگرەگە وت: وەزارەتەگە هەڵمەت واکسین مامووستایل فراوانەو کرد وە وازکردن بنکەیل واکسین نوویگ گ، وتیش؛ زیاتر لە ٦٠ هەزار مامووستاەناو خوەیان تۆمار کردن، و ١٧ هەزار کەس هەردوگ تاقەبەشەگە وەرگردنە، و داوا لەواگان کەیمن زوی تۆمار خوەیان بکەن.
