٧ تیم ئاگرکوژێنەوە ئاگریگ لە کۆمەڵگەیگ بازرگانی لە باشوور بەغداد کپەو کەن
شەفەق نیوز/ تیمەیل وەرگری مەدەنی، ئمڕوو یەکشەممە، توێنستن ئاگریگ لەناو کۆمەڵگەیگ بازرگانی لە باشوور خوەرائاوای بەغداد کپەو بکەن.
وەڕێۆبەرایەتی وەرگری مەدەنی لە بەیاننامەیگ رەسیە ئاژانس شەفەق نیوز وت: ٧ تیم ئاگرکوژێنەوە وە پاڵپشتی تیمەیل رزگارکردن و تیم مینەکردن و رزگارکردن ناودەوڵەتی سەروە وەڕێۆبەرایەتی وەرگری مەدەنی، توێنستن ئاگریگ لەناو کۆمەڵگەی بازرگانی رەزان هەڵسیا ک سێ قاتە و ئەرا ئەمارکردن و فرووشتن عەتر و دڵنگ وەکاری هاوردنە، لە ناوچەی شورتە رابعە لە باشوور خوەرائاوای بەغداد کپەو بکەن.
بەیاننامەگە وتیش؛ تیمەیل وەرگری مەدەنی کارمەنەیل لەناو بیناگە دەرکردن، ئیجا دەوری گردن تا ئاگرەگە نەڕەسێدە بینا هاوساکان، تا ئیجا وەڕاستەخۆ چگنە ناوی تا کۆنتڕۆڵ ئاگرەگە لەناوەو بکەن، تا توێنستن کۆتایی وەپی بارن وەبی تۆمارکردن زەخمداربوین وەگەرد سووکەوکردن زەرەدە داراییەکان.
بەیاننامەگە وتیش؛ لەبان ئەوە، لێکۆڵینەوەیگ لە ناوەند پۆلیس ئەو ناوچە واز کریا، وەپشت بەسانن وە راپۆرت پسپۆڕ بەڵگە تاوانیەکان، ئەرا زانستن هووکارەیل ئاگرەگە.
