١٣ تیم ئاگرکپەوکردن ئاگریگ لەناو کارگەی خوەراکی لە خوەرهەڵات بەغدا کپەوکردن
2023-08-24T06:50:38+00:00
شەفەق نیوز/ تیم وەرگیری شارستانی، شەوەکی ئمڕوو پەنجشەممە، رویداویگ هیزگردن ئاگر کپەوکردن کە ناو بینایگ سێ قاتی رویدایە، وەلایەن کارگەی "پاشا" پیشەسازی خوەراک وەکارهاوریاگە لەناوچەی جەمیلەی پیشەسازی خوەرهەڵات بەغدا.
وەڕیوبەرایەتی وەرگیری شارستانی لە بەیاننامەیگ راگەیان، تیمەیلیان 13 تیم گردەوکردنە و کلیانکردنە ئەرا کپەوکردن ئاگریگ لەناو کارگەیگ، و سەرکەفتی بوینە لە وسانن ئاگرەگە تا نەرەسێدە بینایەیلتر، راستەوخوەی دەسکردنە وە ئۆپراسیۆن کپەوکردن و چگنە ناوجەرگەی بینای کارگەگە و کۆنترۆلکردن ئاگرەگە وەبی ئەوەی هویچ زەردیگ گیانی تووماربکریەد وەگەرد سنووردارکردن زەردەیل مادی.
وەرگیری شارستانی لە بەیاننامەگەی داوای وازکردن لێکۆڵینەوە کەێد لە بنکەی پۆلیس وەرپرس بان ناوچە جوگرافیەگە، داوای پسپۆر بەڵگەناسی تاوان کەێد تا دەسنیشان هووکار هیزگردن رویداوەگە بکەن.
