وینە.. وازکردن رییگ لە بەغداد لەساڵ ٢٠٠٧ بەسیاگە
2023-01-09T11:41:18+00:00
شەفەق نیوز/ فەرماندەیی ئۆپراسیۆنەیل بەغداد، ئمڕوو دووشەممە، وازکردن رییگ راگەیان ک لە ساڵ ٢٠٠٧ بەسیاگە، لە خوەرهەڵات بەغداد پایتەخت
راگەیانن ئۆپراسیۆنەیل بەغداد لە بەیاننامەیگ رەسیە ئاژانس شەفەق نیوز وت: وە ئامانج سووکەوکردن قەرەباڵغی هاتوچو و هەڵگردن مینەتی لە گەردن خەڵکەگە و کەمەوکردن زیانیان، دەسەیل ئەرکدار وە وازکردن ریەیل و هەڵگردن خاڵەیل وەشکین، وەدرەوامە لە ئەرکەیل رووژانەی لە بەغداد پایتەخت، ک رییگ لە ساڵ ٢٠٠٧ بەسیاگە لە دەروازەی ناوچەی جەمیلە واز کریا، ئەوەیش دویای هەڵسەنگاندن لایەنەیل ئەمنی و خزمەتگوزاری لە کەرت وەرپرسایەتی فیرقەی یانزەهەم خوەرهەڵات بەغداد.
دووپات کرد ک وەرەو وازکردن ری و کویچەیل و هەڵگردن خاڵەیل وەشکین وەردەوامە.
دویەکە یەکشەممە، وەڕیەوبەرایەتی هاتوچو گشتی وازکردن دەروازەی ناوچەی خەزرا لەناوڕاس بەغداد پایتەخت راگەیان.
