ئەندەنوسیا پایتەختەگەی خەێدە دوورگەی دۊریگ
2022-01-18T09:57:02+00:00
شەفەق نیوز/ بوان ماهارانی خانمە سەرۆک ئەنجومەن نۊنەرەیل ئەندەنوسیا، ئمڕوو سێشەممە، راگەیان دەرچگن بڕیار ئاڵشتکردن شۊن جاکارتای پایتەخت ئەرا کالیمانتان لەبان دوورگەی بۆرنیو.
پڕۆژەی یاساگە ک چوارچیوەی کار پڕۆژەی سەرۆک جوکو ویدودو ئامادە کەێد، و خەرجەگەێ رەسێدە ٣٢ ملیار دۆلار، شیوەی سپۆنسەرکردن و گەشەکردن پەیتەختە نووگە و وەڕیەوبردنی دیاری کەێد.
سوسارسو مونورافا وەزیر پلانسازی ئەندەنوسیا وت: پەرلەمان ئەندەنوسیا رەزامەنی لەبان پڕۆژەی یاسای ئاڵشتکردن پایتەختەگە ئەرا ناوچەی دارستانەیل لە کالیمانتان لە دوورگەی بۆرینو دا.
مونوارفا لە وتاریگ لەوەردەم پەرلەمان دیاری کرد ک دۊیای بڕیاردان پڕۆژەی یاساگە، پایتەختە نووگە ئەرکیگ سەرەکی دیرێد، و بوودە سومبلیگ ئەرا ناسنامەی نەتەوەگە، وهەمیش بوودە ناوەند نوویگ ئەرا ئابووری.
