ڤیدیۆ.. شەش کوشیان وە تەقینەوەی کارخانەیگ لە هیندستان

شەفەق نیوز/ تەقینەوەیگ لەناو کارخانەیگ کیمیایی لە ویلایەت جوجارات لە وڵات هیند، بۊە هووکار کوشیان شەش کەس لەلای کەمەو.   

وەگورەی دەسەڵاتەیل هیندستان،  ئەو تەقینەوە ک شەو یەکشەممە لە کارخانەی کیمیایی و پتڕۆکیمیاێێ لە باوچەی دابیج پیشەسازی لە جوجارات بۊە هووکار ئاگر گەپیگ،  ئمڕوو دووشەممە کپەو کریا.   

رۆیتەرز لە زوان پۆلیسیگ لە داهیج وەناو راجندراسین جوهیل وت: کارخانەگە وەتەواوی ویران بۊ، و شەش کەس سزیان و مردن.  

وەرپرسەیل ئاگرکپکردن وتن ئەو ئاگرە لە کارخانەی ئۆمارجانیک کپەو کردن ک ٢٣٠ کیلومەتر لە شار ئەحمەد ئاباد دۊرە.