تەقینەوەیگ و پەیاکردن تەرم فەرمانەبەریگ ودوویەم خوەیکوشتن لە زیقار
شەفەق نیوز/ سەرچەوەیگ ئەمنی لە پارێزگای زیقار، ئمڕوو چوارشەممە، خەوەردا لە پەیاکردن تەرم فەرمانەبەریگ لە وەزارت پەروەردە، و تۆمارکردن خوەیکوشتن نوویگ لە پارێزگاگە.
سەرچەوەگە ئەرا ئاژانس شەفەق نیوز وت: تەرم هاوڵاتییگ لە تەمەن ٢٣ ساڵان لە ناوچەی بو سەعەد لە قەزای شەترە پەیا کریا ک لەناو چەمیگ خنکیاگە، وتیش؛ کوشیایەگە فەرمانبەرە لە وەزارت پەروەردە/ وەڕێۆبەرایەتی پەروەردەی پارێزگاگە.
سەرچەوەگە وتیش: خوەیکوشتن نوویگ لە قەزای رفاعی لە باکوور شار ناسریە تۆمار کریا، هەنای گەنجیگ ١٩ ساڵان خوەی لەبان پوڵ گەورای رفاعی خستە خوار، و دیاری کرد ک لەوەر زیانیگ دەروینی خوەی کوشتگە.
هەر لە رفاعی، بومبیگ دانریاگ تەقیە ماڵ هاووڵاتییگ لە قەزاگە.
سەرچەوەگە وتیش؛ بومبەگە لەبان ماڵ هاووڵاتییک لەناوچەی تفیج لەناوڕاس قەزاگە تەقیەو، و تەنیا بویە هووکار زەرەدەیلیگ لە ڕوی ماڵەگە.
