بارستە وایگ سەرد و جەمسەری روی لە عراق کەێد بوودە هووکار واران وارین و هوشداری لە لافاو دریەێد
2023-03-24T11:26:06+00:00
شەفەق نیوز/ کەشناس عراقی سادق عەتیە، ئمڕوو جومعە، مەزەنە کرد لەسەرەتای هەفتەی ئایندە وڵاتەگەمان کەفێدە ژیر کاریگەری کەشوهەوای وارانناوی رفتیگ لە بڕیگ شوین.
عەتیە لە پۆستیگ لەبان تووڕ کۆمەڵایەتی راگەیان، داوەزین کەشوهەوا بارستە وای سەردیگ و جەمسەری هاوەگەردیا لە چینە بەرزەیل کەش و شەپوولیگ لە پاڵەپەستۆی نزم وە هێواشی روی لە ناوچەگەمان کەێد.
ئاشکەرایکرد ئی داوەزینە بوودە هوکار واران وارینیگ ک گشت شارەیل گرێدەو ئاڵشتکاریەیل لە رووژ شەممەوە دەسوەپی کەێد لە شەو یا نیمەڕوو سێشەممە کۆتایی تێد وەگرد ئیانەی خوارەو:
1ـ بەرزەوبوین ئیجا نزمەوبوین پلەی گەرما لە ماوەی رووژەیل ئایندە.
2ـ ئاڵشتبوین ئەرا وای باشوور خوەرهەڵات، مەزەنەی گورجبوین وا کریەێد له ( ئیوارەی شەممە و نیمەڕو یەکشەممە) لە شارەیل ناوڕاس و باشوور و لە نەینەوا رەسێدە خێرایی 70کم لە ساعەتیگ، بوودە هووکار دروسبوین تەپوتوز وە تایبەت لە شارەیل خوەرهەڵات عراق.
دویای رووژ سێشەممە وە ئاراستەی باکور خوەرئاوا ئاڵشتبوود.
