بارستە هەوای نزمیگ لە ئەوروپا ئەرا عراق وەگەرد واران و داوەزین پلەی گەرما
شەفەق نیوز/ سادق عەتیە پسپۆر کەشناسی، ئمڕوو پەنجشەممە، پیشبینی كرد عراق کەفێدە وەر کاریگەری داوەزین پلەی گەرمایگ ک لەئەوروپا تێد و هاتێ لە هەفتەی ئایندە لە بڕیگ شوین واران بوارێد وەرد داوەزین وەرچەوەیگ لە پلەی گەرما.
عەتیە لە پۆستیگ لەبان تووڕ کۆمەڵایەتی ئمڕوو دیاریکرد، شارەیل وڵاتەگە کەفنە وەر کاریگەری داوەزین پلەی گەرما لە بەشەیل بان لە ناوراس ئەوروپا، ئاشکەرایکرد کاریگەری داوەزینەگە تا رووژەیل(شەممە و یەکشەممە و دووشەممە) وەردەوامە و پیشبینی واران وارین و بەڵاچە کریەێد لە ناوچەیلیگ لە شارەیل باکوور وەرد ئەنبار و باکوور دیالە و شایەت سەڵاحەدین و بەغدایش لە وەختەیل جیاواز لەماوەی ئەو رووەیلە ئەورەیلیگ وە بەرزی جیاواز دەرکەفێن.
ئاشکەرایکرد، لەدویای داوەزینەگە، داوەزین وەرچەوەیگ کۆنترۆڵ پلەی گەرما کەێد و کەشوهەوای مامناوەندیگ لە تاق رووژ لە گشت شارەیل دروس کەێد و لە شەو وەرەو سەردی چوود.
وتیش کاریگەری داوەزینەگە لە شەو وە شیوەی وەرچەوەیگ دیاردەێد لەشارەیل باکوور وڵات( کەشوهەوایگ لە زمسان چگە، پێویستە دڵنگ گونجیاگ لەوەر بکریەێد).
ئاشکەرایکرد، لەو ماوەیە داوەزینەگە کاریگەری دروس کەێد لە ئاڵشتبوین لە ئاراستە و خێرایی وای روکەش، لە رووژ جومعە دەسوەپی کەێد، لە نیمەروو و شەو و رووژ ددوشەممە کۆتایی تێد.
وتیش، وەگەردیا بڕیگ جار رێژەی چام بەرزەوبوود لە شارەیل باشوور و فورات ناوراس.
لە کۆتایی وتیش، وەرد بارستە وای سەردەگە دویر لە تووز و خوەڵ لە شارەیل (سەڵاحەدین، ئەرا بەغدا داوەزێد وئمجا ئەو شارەیل فورات ناوراس و باشوور) لە رووژەیل یەکشەممە و دووشەممە.
