بەغداد وەرەو فرووشتن ٤٨ مەلیۆن بەرمیل نەفت ئەرا وڵات چین چوود
2020-12-16T07:20:10+00:00
شەفەق نیوز/ مزهر محمد ساڵح راوێژکار دارایی سەرۆک ئەنجومەن وەزیران وت: رێککەفتنەگەی ناوبەین بەغداد و پەکین ئەرا فرووشتن ٤٨ مەلیۆن بەرمیل و شیوەی پویل لە وەرەو داین پاڵپشتی بوودجەی فیدڕاڵی کەێد.
رووژنامەی سەباح، ئمڕوو چوارشەممە، لە زووان ساڵح نووسان: ئەو رێککەفتنە ک ئەوەسا لە ناونی وەزارەت نەفت و کۆمپانیایل نەفت چینی حکومەتی واژوو کریەێد، وەرگردن پویل ٤٨ ملیۆن بەرمیل نەفت وەکوتپڕ لەلایەن وەزارەت دارایی نازناوی و دویای ٦ مانگ لە وەرگردن پویلەگە مانگیگ چوار مەلیۆن بەرمیل نەفت تا ماوەی ١٢مانگ دەێد.
وتیش؛ نرخ نەفتە فرووشیایەگە دویای مانگیگ لە واژووکردن رێککەفتنەگە دیاری کریەێد، و نرخ ناوڕاسین نەفتەگە. ئەراک ئەو مانگە بوودە پەیمانەییگ ئەرا نرخ سەنین بڕەگان ولەی بنەما وەرجە شەش مانگ لە هەناردەگە پویلەگە دریەێدە وەزارت دارایی.
