بەسرە.. رویداویگ هاتوچو بوودە هوکار کوشیان و زەخمداری لە تیمیگ تووپان
2024-02-29T06:32:01+00:00
شەفەق نیوز/ سەرچەوەیگ ئەمنی لە بەسەرە، ئمڕوو پەنجشەممە، خەوەردا لە کوشیان ٤ کەس و زەخمداری کەسەیلیگ ترەک وە رویداویگ هاتوچو لەبان ری ئەبو خەسیب باشوور پارێزگاگە.
سەرچەوەگە ئەرا ئاژانس شەفەق نیوز وت: رویداویگ هاتوچو کەفتە ناوەین پاسیگ (کۆستەر) تیمیگ تووپان میللی هەڵگردوین، وەگەرد ماشینیگ بویچگ لەبان ری ئەبی خەسیب کە لەبان فرەیی رویداوەیل هاتوچو وەپی ئویشن (ری مەرگ).
وتیش؛ پاسەگە تیم سەد لە ناوچەی متێحە هەڵگردوێد کە لە باوی تووپان گلەو خواردن، وتیش؛ رویداوەگە بویە هوکار کوشیان ٤ کەس لە ماشینە بویچکەگە، و زەخمداری کەسەیل تیمەگە.
