خنکیان مناڵیگ و زەخمداری دو کەس وە رووداوەیل جیاجیا لە عراق
شەفەق نیوز/سەرچەوەیگ ئەمنی، ئمڕوو سێشەممە، خەوەردا لە مردن مناڵیگ و زەخمداری دو کەس رۊیوەرۊی بۊین ماڵ دکتۆر زانکۆیگ وەپەڵامارداین چەکداری لە پارێزگای زیقار و بەسرە لە باشوور عراق.
سەرچەوەگە وە ئاژانس شەفەق نیوز وت: خوەنەوار مەکتەویگ 7 ساڵان لە چەم بۊچکێگ لە قەزای نەسر باکوور پارێزگای زیقار خنکیایە.
دیاریکرد، زەخمداری دو کەس تر لە ئەنجام وە هەڵە تەقانن گولە وە خوەی وە تفەنگ راوکردن، دۊیای کلکردن ئەرا خەسخانە چارەسەر پێویست وەرگردیە.
سەرچەوەگە وتیش؛ پەلامار چەکداریگ کرێدە بان ماڵ دکتۆر زانکۆیگ لە قەزای دەوایە باکوور خوەرئەڵات شار ناسریە وە مدووی گرفت وەگەرد نۊنەر فروشیایەیل لەوەر داواکاریگ.
وتیش؛ هێزەیل ئەمنی دەورەی ناوچەگە دانە لێکۆڵینەوە ئەرا چۊنیەتی رووداوەگە وازکردنە.
لە بەسرەیش، وەجیماگەیل جەنگ لە جۊر مین تەقێدەو لە ناوچەیگ لە فاو لە بەسرە بۊیە مدووی زەخمداری پای مەدەنیگ.
