بەسانن شوونەیل مەی فرووشتن وهۆڵەیل قومار لە بەغداد

شەفەق نیوز/ وەڕێوبەرایەتی گشتی هەواڵگیری لە ئاژانس هەواڵگیری سەروە وەزارەت ناوخۆ، ئمڕوو پەنجشەممە، بەسانن شوونەیل مەی فرووشتن و هۆڵەیل قومار لە بەغداد پایتەخت ئەرا نواگردن لە بڵاوبوین ڤایڕۆس کۆرۆنا راگەیان.

وەڕێوبەرایەتیەگە لە بەیاننامەیگ رەسیە ئاژانس شەفەق نیوز وت: مەفرەزەیل وەڕێبەرایەتیەگە سێ هۆڵ قومار بەسان، و پەنج دوکان مەی فرووش، و نادی شەوانەیگ، و چەن قاوەخانەیگ لە ژمارەیگ لە هۆتیلەگان و هۆڵەگان لە ناوچەیل جوورا جوور لە بەغداد.

وتیش؛ پەیمان فەرمی لە خاوەن ئەو پیشەیلە بریا وە پابەندبوینیان وە ریکارە تایبەتەگان ئەرا مقەیەتی لە ڤایرۆس کۆرۆنا.