بیسەروشۊنی رووژنامەوانییگ لەناوڕاس بەغداد
شەفەق نیوز/ رووژنامەوانەیل عراقی، ئمڕوو شەممە خ داوا لە دەسەڵاتە ئەمنییەیلە کردن ئاشکرای جارەنۊس رووژنامەوانییگ بکەن ک وەرجە دوو رووژ لەناوڕاس بەغداد پایتەخت گوما بۊیە، وەگەرد خەوەرەیلیگ لە رفیانی وەدەس نەناسریایلیگ.
دامەزراو نەهار ئەرا رووشنهۊری و راگەیانن لە بەیاننامەیگ رەسیە ئاژانس شەفەق نیوز وت: داوا لە فەرماندەی گشتی هێزە چەکدارەیلە و وەزارەت ناوخۆ کەیمن ئاشکرای چارەنۊس عەلی عەبدولزەهرە وەڕێوبەر ئاژانس خەوەری سەنا بکەن ک وەشیوەی نادیاریگ ئیوارەی رووژ پەنجشەممەی گوزەیشتە شۊنی نەما.
نزیکەیلیگ لە عەبدولزهرە باس کردن ک مۆبایلەکەی لە ساعەت ١٠ی ئیوارەی رووژ پەنجشەممەی گوزەشتە کپەو بۊن، و ئەرا ئاژانس شەفەق نیوز دیاری کردن ک دۊیاترین شۊنی لە ناوچەی کەڕادە داخل بۊیە، هەنای رۊی وەرەو ماڵ خوەی لە شار سەدر کردگە.
وتنیش؛ کەفتنەسە مینەی رووژنامەوانیەگە لە بنکەیل پۆلیس و خەسەخانەیل بەغداد وەبی هۊیچ نۊینیگ، و خەوەردار دەزگا ئەمنیەیلە کردنە و پەیمان وازکردن لێکۆڵینەوە وە رووداو بیسەروشۊنیەگە دانە.
