هێزە ئەمنیەکان کەفنە شوین بڕفنەیل دوو شوان لەدەورگرد خانەقین

هێزە ئەمنیەکان کەفنە شوین بڕفنەیل دوو شوان لەدەورگرد خانەقین
2021-05-01T09:48:13+00:00

شەفەق نیوز/ سەرچەوەیگ ئەمنی، ئمڕوو شەممە، خەوەردا لە دەسکرن وە ئۆپراسیۆنیگ مینەکردن و وەشکین وە شوین دوو رفیاگ ک دوێەشەو لەلایەن ریخریاگ داعش لە دەورگرد قەزای خانەقین رفیان.

سەرچەوەگە ئەرا ئاژانس شەفەق نیوز وت: هێزەیلیگ لە لیوای ١٩ لە سوپای عراق دەسکردە هەڵمەتیگ وەشکین و مینەکردن لەدەورگرد ئاوای محمد عەباس لە باکوور خوەرائاوای خانەقین وەشوین دووان لە شوانەیل پەس، ک دوێەشەو ریخریاگ داعش رفانەیان.

سەرچەوەگە وتیش؛ ئەندامەیل داعش رخبردن و هەڕەشەی ئاوایەیل کەن تا هاوکاری وەگەرد هێزە ئەمنیەکان لە خەوەردان لە شوینەیل و جوولەی ئەندامەیل ریخریایەگە نەکەن.

دوێەشەو جمعە، ئەندامەیل داعش دووان لە کشاورزەیل رفانن ک خوەیان محمد جاسم دەرب و عادل ئیبراهیم محمد، لە نزیک ئاوای محمد عەباس و پەلامار خاڵیگ سوپا دان، و رفیایەیلە وەرەو شوین نادیاریگ بردن.

Shafaq Live
Shafaq Live