بەرزەوبوین ناکاوییگ لە نرخ دۆلار لە بەغداد و کوردستان
شەفەق نیوز/ ئمڕوو دووشەممە ٧ کانون یەکەم ٢٠٢٠ ، نرخ دۆلار لە بازاڕەگان بەغداد وهەرێم کوردستان وە یەک تەکان بەرزەو بوی.
پەیامنێر ئاژانس شەفەق نیوز وت: بۆڕسەی کیفاح ناوەندی ئیوارەی ئمڕوو، ١٢٦٨٠٠ دینار عراقی وەرانوەر ١٠٠ دۆلار ئەمریکی تۆمارکرد، و بۆڕسەی حارسیە ١٢٦٧٥٠ دینار وەرانوەر ١٠٠ دۆلار تۆمار کرد.
شەوەکی ئمڕوو نرخ دۆلار لە بۆڕسەی کیفاح ١٢٥٨٥٠ دینار وەرانوەر ١٠٠ دۆلار ئەمریکی تۆمار کرد.
پەیامنێرەگەمان ئاماژەدا ک نرخ فرووشتن و سەنەین لە بازاڕە ناوخۆیەگان لە بەغداد هەمیش بەرزەو بوی ک نرخ فرووشتن رەسیە ١٢٧٥٠٠ دینار عراقی، ونرخ سەنین رەسیە ١٢٦٥٠٠ دینار وەرانوەر ١٠٠دۆلار ئەمریکی.
لە هەولێر پایتەخت هەرێم کوردستان نرخ دۆلار هەمیش بەرزەوبوین وەخوەی دی ک نرخ فرووشتن رەسیە ١٢٧٠٠٠ دینار وەرانوەر ١٠٠ دۆلار، و سەنین بویە ١٢٦٨٠٠ دینار وەرانوەر ١٠٠ دۆلار ئەمریکی.
خاوەن نووسینگەیل خەرجکردنەگان لە بەغداد باس هووکار ئی بەرزەو بوینە کردن ک لەوەر رەوشەیل نا ئارام وڵاتەگە و رەوش ئابووری، و خاوەن نووسینگەی خەرجکردن دەلال باس ئی بەرزەوبوینە کرد ک لەوەر نیاز حکومەت ئەرا بەرزەوکردن دۆلار ئەا ماوەیل ئایندە کرد ئەرا دابەشکردن مووچەیل فەرمانبەرەگان، ک لە قاقەزە چاکسازیەگە ک دریا پەرلەمان وە ئاشکرایی باس لەوە کەێد.
ئی بەرزەوبوینە تیەێد، هەرچەن بانک ناوەندی لە بانگەشەگەی پویلە بیگانەگان فرووشتە بانک و کۆمپانیاگان ئەرا سپۆنسەرکردن بازرگانی ک ئی فرووشتنەیلە رەسینە ١٨٥ مەلیۆن و ٩٥ هەزار دۆلار.
