بەرزەوبوین تویشهاتنەیل وە تەو خۊنوەربۊن و ٣ مردن لە موسەنا

شەفەق نیوز/ سەرچەوەیگ پزشکی لە فەرمانگەی تەندروسی موسەنا، ئمڕوو شەممە، ئاشکرای شمارەی تۊشهاتنەیل بیماری تەو خۊنوەربۊن کرد، و دووپات لە توومارکردن سێ مردن وەی بیماریە کرد. 

سەرچەوەگە ئەرا ئاژانس شەفەق نیوز وت: پارێزگای موسەنا تا ئیسە شەش تویشهاتن وە بیماری تەو خۊنوەربۊن توومار کردیە، سێیانیان مردن، و دووان لە بیماریەگە خاسەو بوین، و تا ئیسە یەکیگیان هاناو کەرەنتین تەندروسی.   

و دیاری کرد ک تویشهاتنەیل سێ پیاو بوین یەکیگیان سەربازە لە سوپای عراق و گیانی لەدەسدا،  و سێیانیش ژن شوانی پەس کردیان لە ناوچەیلیگ جیاجیا لە پارێزگاگە.