چوین بازرگانەیل هووشبەرەکان لە زیندان سەماوە واین؟
2021-05-02T11:36:40+00:00
شەفەق نیوز/ سەرچەوەیگ ئەمنی، ئمڕوو یەکشەممە، ئاشکرای پلان ئەو واینە کرد ک تاوانبارەیلیگ لە یەکیگ لە زیندانەیل پارێزگای موسەنا جیوەجیی کردن.
سەرچەوەگە ئەرا ئاژانس شەفەق نیوز وت: یەکیگ تاوانبارەیل لە بنەدینخانەی بنکەی پۆلیس قەزای هیلال لە پارێزگای موسەنا، داوای خواردن لە پاسەوان بەندینخانەگە کرد، و گشت زیندانیەیل کەین وبەین کردنە پەلامار پاسەوانەگە بیەن و لە بەندینخانەگە دران، ئەو کارە ک بویە هووکار زەخمداربوین سووکیک وە پاسەوانەگە.
سەرچەوەگە دیاری کرد ک تا ئیسە ١١ تاوانبار لەوانە دەسگیر کریاگە، و مینەی ئەواکانیان کەن.
