بەرزەوبۊین نرخ دۆڵار لە بەغداد و هەولێر
2022-02-21T07:26:09+00:00
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو دوشەممە، لە بۆرسەی سەرەکی بەغداد پایتەخت و هەرێم کوردستان بەرزەوبۊی.
پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد، شەوەکی ئمڕوو 145000 دینار عراقی وەرانوەر 100 دۆلار ئەمریکی توومار کردن.
دۊیەکە یەکشەممە، وەگەرد وەسین بازارەیلە نرخ دۆلار رەسیە 142250 دینار وەرانوەر 100 دۆلار ئەمریکی.
پەیامنێرمان وتیش؛ نرخ فرووشتن و سەنین لە دوکانەیل ناوخۆیی بەغداد ئارامگردیە، نرخ فرووشتن رەسیە 146000 دینار عراقی وەرانوەر 100 دۆلار ئەمریکی، و نرخ سەنینی رەسیە 144000 دینارعراقی .
لەهەولێر پایتەخت کوردستانیش نڕخ دۆلار بەرزەوبۊی، نرخ فروشتنی رەسیە 145750 عراقی وەراوەر 100 دۆڵار ئەمریکی، و نرخ سەنینی 145000 عراقی وەرانوەر 100 دۆلار ئەمریکی.
