بەرزەوبۊن نرخ تەڵا لە بازاڕەیل عراق
2022-03-21T10:14:28+00:00
شەفەق نیوز/ نرخ تەڵای بیگانە و عراقی لە بازاڕە ناوخۆیەیلەی عراق،ئمڕوو دووشەممە ٢١ ئادار ٢٠٢٢، وەشیوەی کەمیگ بەرزەو بۊ.
پەیامنێر ئاژانس شەفەق نيوز وت: نرخ فروشتن یەک مسقاڵ تەڵای ٢١ لە تەڵای خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت رەسیە ٣٩٣ هەزار دینار، و نرخ سەنینی رەسیە ٣٨٩ هەزار دینار.
پەیامنێر ئاژانسمان وتیش: نرخ فرووشتن یەک مسقاڵ عەیار ٢١ تەڵای عراقی بەرزەوبۊین توومار کرد لەپای ٣٥٣ هەزار دینار، و نرخ سەنینی رەسیە ٣٤٩ هەزار دینار.
لەباوەت نرخ تەڵا لە دوکان زەرەنگەریلە، نرخ فرووشتن یەک مسقاڵ تەڵای خەلیجی عەیار ٢١ هالە ناونی ٣٩٥ هەزار دینار و ٤٠٥ هەزار دینار، و نرخ فرووشتن یەک مسقاڵ تەڵای عراقی هالە ناونی ٣٥٠ هەزار دینار و ٣٦٠ هەزار دینار.
