بەرزەوبۊن نرخ تەڵا لە بازاڕەیل عراق

شەفەق نیوز/ نرخ تەڵای عراقی و  بیگانە لە بازاڕە ناوخۆیەیلەی بەغداد پایتەخت، ئمڕوو پەنجشەممە ، 10ی شوبات 2022    بەرزەو بۊ. 

پەیامنێر ئاژانس شەفەق نیوز وت : نرخ فروشتن یەک مسقال تەڵای عەیار 21 خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت رەسیە 376 هەزار دینار، نرخ سەنینی رەسیە 372 هەزار، نرخ فروشتن رووژ چوارشەممە  375 هەزار دینار بۊ. 

پەیامنیرمان وتیش: نرخ فروشتن یەک مسقال تەڵای عراقی بەرزەوبۊن وە خوەی دی لە پای 346 هەزار دینار وە نرخ سەنینی رەسیە  342 هەزار دینار. 

لە باوەت نرخ تەڵا لە دوکانەێل زەرەنگەریل نرخ فروشتن یەک مسقاڵ تەڵای عەیار 21 خەلیجی ها لە ناوەنی 375 هەزار دینار و 380 هەزار دینار، نرخ تەڵای عراقی ها لە ناوەنی 345 هەزار و 350 هەزار دینار.