پیاویگ ژن خوەی کوشێد و دراوردن تەرم خنکیاییگ لە بەغداد
2021-09-04T11:25:48+00:00
شەفەق نیوز/ سەرچەوەیگ ئەمنی وەرپرس لە بەغداد، ئمڕوو شەممە، خەوەردا لە کوشیان ژنیک وەدەس شویەگەی، و دراوردن تەرمیگ لە چەم دیجلە لە دوو رووداو جیاجیا لە بەغداد پایتەخت.
سەرچەوەگە ئەرا ئاژانس شەفەق نیوز وت: پیاویگ وە گولەی چەک کلاشینکۆف لەناو ماڵەگەیان لە حەی وحدە باشوور بەغداد ژنەگەی خوەی کوشت.
وتیش: بکوشەگە وایە و نێزیک ئەمنی تەقەلای دەسگیرکردنی دەێد.
سەرچەوەگە هەمیش باس دراوردن تەرم پیاو نەناسیاییگ لەناو شەم دیجلە لە خوار پوڵ موسەنا کرد لەلایەن بەلەم و مەلەوانەیل پۆلیس ئاوی
