گیان لەدەسداین 5 کەس لە یەک خیزان و زەخمداربۊن مناڵیگ وە رۊداویگ هاتوچوو دڵتەزن لە باشوور کەرکووک
شەفەق نیوز - کەرکووک
سەرچەوەیگ لە فەرمانگەی تەندروسی کەرکووک، ئمڕوو شەممە، خەوەردا وە گیان لەدەسداین پەنج مەدەنی لە یەک خیزان و زەخمداربۊن مناڵیگ، دۊای رۊداویگ هاتوچوو سەخت کە لەبان ری کەرکووک - تکریت رۊدا لەناوی ناحیەی رەشاد لە باشوور پارێزگاگە.
سەرچەوەگە لە لێدوانیگ ئەرا ئاژانس شەفەق نیوز وت، کە رۊداوەگە رۊدا دۊای لەیەکەودان ماشینیگ کە ئەندامەیل خیزانەگە هەڵگردۊد وەرد بارهەڵگریگ کە تایبەت بۊ ئەرا بارکردن چیمەنتۆ، بیجگە لە لەیەکەودانی وەرد ماشینیگ ترەک لە جۊر (کیا)ی چوارتاکە.
دیاری کرد کە تیمەیل فریاگوزاری و لایەنە پسپۆڕەیل رویکردنە شوین رۊداوەگە، لە وەختیگ زەخمدارەگە ئەرا یەکیگ لە خەسەخانەیل کەرکووک بریا ئەرا وەرگردن چارەسەر، و تەرم مردگەیل ئەرا فەرمانگەی پزیشکی دادوەری بریا، لە وەختیگ لایەنە پسپۆڕەیل دەس کردنە وە لێکۆڵینەوە ئەرا زانستن چۊنیەتی رۊداوەگە و هووکارەیلی.
