پالەپەستۆی نزمیگ کاریگەری لەبان عراق دروس کەێد بوودە هووکار واران لەماوەی ئێ هەفتە
عەتیە لە پۆستیگ لەبان تووڕ کۆمەڵایەتی "فەیسبووک" وت پاڵەپەستۆی نزمیگ لە کەشوهەوای باکوور ئیران خەسەوبویە کاریگەری سوکیگی لەلی وەرەو شارەیل باکوور دەڵەک دەێد لەوەر ئەوەگ سەردی پێویست لە چینەیل بەرز کەمە، لە شەوەکی ئمڕوو شەممەو کاریگەری لەبان سلێمانی و خوەرهەڵات هەولێر دروسکەێد و لە ئمشەو کۆتایی تێد.
لەباوەت کەشوهەوای رووژەیل ئایندە عەتیە وت، جیگیرەو بوود تا رووژ سێشەممە هەنای پاڵەپەستۆی نزمیگ لە دەریای ناوڕاسەو دەڵەک درێد و بوودە هووکار دەسکردن وە شەپوول واران لە شەو سێشەممەو و لە پەنجشەممە کۆتایی تێد.
وتیش داوەزینیگتر لە جومعەو دەسوەپی کەێد، دیاریکرد حاڵەتەیل کەشوهەواو و واران کەفێدە ژیر کاریگەری دوو پاڵەپەستۆی نزم لە شارەیل باکوور وبڕیگ لە ناوچەیل ناوڕاس و ئەنبار.
عەتیە دیاریکرد، کاریگەری لاوازیگ لەبان شارەیلتر دروسکەێد لەوەر هەبوین پاڵەپەستۆی بەرزیگ کە بوودە هووکار جیگیربوین، باوجی لە گشت شارەیل ئەورە، لە رووژ دووشەممەو تا رووژەیل ئایندە.
کەشناسەگە هووشداریدا لە دروسبوین شەپوول خوەڵبارین لە رووژ چوارشەممە وە مدوو ئاڵشتبوین ئاراستەی وا.
