ئاشکراکردن کوشتن نادیاریگ ئەرا ناخاڵەیگ و گردن تاوانبارەگە.. وێنە +١٨
شەفەق نیوز/ وەڕێۆبەرایەتی دژە تاوان بەغداد، ئمڕوو جمعە، راگەیان مەفرەزیلی توێنستن ئاشکرای تاوان کوشتن نادیاریگ بکەن ئەرا کەنجیگ و پارچە پەڕوویگ کوشیا، و پەیاکردن تەرمیگ لە شوون چاڵ زواڵە لە ناوچەی مەعامل فڕە دریاگە.
وەڕێۆبەرایەتیەگە لە بەیاننامەیگ ئمڕوو وت: دویای هەواڵەکردن قاقەزەیل لێکۆڵینەوەگە ئەرا نووسینگەی دژە تاوان حسێنیەی مەعامل و دروسکردن تیمیگ ئەرا لێکۆڵینەوە لە رووداوەگە وەمینەکردن وەگردەوکردن زانیاریەیل ک رەسینە تاوانکارەگە و دەسگیرکردنی، و دویای نشاندان بەڵگەیل و لێکۆڵینەوەی قویلیگ ئاشکرا کرد ک خوەی قوربانیەگە وەدەسپیچگ رەساننی وە کرا هاوردەی ماڵەگەی.
بەیاننامەگە دیاری کرد دویای ئەوە توێنست لەناو ماڵەگەی دەسەیلی وە وایەر کارەبا بوەسێد و وەپارچە بەڕوویگ بخنکنێدەی و پەتو قورسیگ و ناوماڵە بنەێدە باتی تا یەکجاری بمرێد، و ماتۆرسکڵەگەی بدزێد و تەرمەگەی فڕە بەێدە شوون دویریگ لەناو چاڵە تەندروسیەکان، تا قسەیل توومەتبارەگە لە وەردەم دادوەر واژوو بکریەن ، و وەتاوان کوشتن لەبنەمای مادەی ٤٠٦ بڕیار بەندینکردنی بیریەێد.
