ئاشکراکردن تاوانیگ لە بەغداد.. ژن خوەی کوشتیە ووتیە خوەیکوشتیە
شەفەق نیوز/ وەڕێەوبەرایەتی دژەتاوان لە وەزارەت ناوخۆی عراق، ئمڕوو دووشەممە، ئاشکرای تاوان کوشتن نادیاریگ ئەرا ژنیگ وەدەس شویەگەی لە بەغداد پایتەخت کرد.
لە بەیاننامیگ رەسیە ئاژانس شەفەق نیوز وت: مەفرەزەیل وەڕێەوبەرایەتی دژەتاوان بەغداد توەنست ئاشکاری تاوانیگ نادیار ئەرا ژنیگ بکەێد، ک کاغەزەیل لێکوڵینەوە ئەرا نویسینگەی تاوان کازمیە هەواڵە کریا.
وتیش: تیمیگ ئەرا کارکردن و رەسین وە شوین رویداوەگە دروس کریا، و دویای وەشکین و گردەوکردن زانیارەیل، دەرکەفت ک رویداوەگە تاوانیە، و دیاری کرد ک لە مەوقەی لێکۆڵینەوە وەگەرد شوی قوربانیەگە و نواگردنی وە بەڵگەیلە، ئاشکرای کوشتن ژنەگەی خوەی کرد لەوەر گرفتەیلیگ خیزانی.
بەیاننامەگە وتیش: قسەیلی توومار کریا و لەلاین دادوەری واژوو کریان، و دووپات کرد ک ئاشکراکردن بەڵگەگە وەگورەی راسیەگە دەرکەفت، تا وەگورەی فەرمان مادەی ٤٠٥ لە یاسای سزادان دەسوەسەر بکریەێد.
