پەکەکە ئاشکرای تەقەلای داگیرکردن نەینەوا و کەرکوک لەلایەن تورکیا کەێد
2021-02-14T10:48:46+00:00
شەفەق نیوز/ پەکەکە، ئمڕوو یەکشەممە، ئاشکرای هەسی نیاز لەلای هێزە تورکیەگان کرد ئەرا داگیرکردن پارێزگایل نەینەوا و کەرکوک.
کاوە شێخ مووس وەرپرس پەیوەندیەگان پەکەکە ئەرا ئاژانس شەفەق نیوز وت: هێزەیل تورکیا نیاز وەناوهاتن پارێزگایل نەینەوا و کەرکوک دیرن، ئەرا داگیرکردن زەویەیلیگ لەناویان، و ئەیە زانیاریەیلیگ هەواڵگری ووردن، و ئاماژە کرد ک ئی کارە پلان دوو ساڵە، و کار ئمڕوو نییە.
مووس دیاری کرد ک هێزەل تورکیا بچنە ناو هەر ناوچەیگ عراقی لەلی دەر نێچن، ک خوەی تەقەلای داگیرکردن زەویەیل عراقی نوویگ لە نەینەوا و کەرکوک دەێد، و ئەرا دوو ساڵە وە ئۆپراسیۆنەیلیگ دەیشتەکی و ئاسمانی لەبان ئی داگیرکردنە کار کەێد، بەڵکم لەوەر هەسی وەرخودان تونییگ لەروی ئی داگیرکردنە شکست تێرێد.
