نەینەوا و کەرکوک.. دەسگیرکردن وەرپرسیگ لەلای داعش و کوشتن دوو تیرۆریست
شەفەق نیوز/ شانەی راگەیانن ئەمنی عراق، ئمڕوو چوارشەممە، دەسگیرکردن وەرپرس پاڵپشتیکردن لۆجستی داعش لە پارێزگای نەینەوا راگەیان، هەمیش کوشتن دوو تیرۆریست لە دووڵ چای لە کەرکوک.
لە بەیاننامەیگ رەسیە ئاژانس شەفەق نیوز وت: شانەی ئەرکەیل هەواڵگری ئۆپراسیۆنیگ ناکاوی لە پارێزگای نەینەوا جیوەجی کرد، رەسیە دەسگیرکردن یەکیگ لە ئەندامەیل چەتەی داعش تیرۆریست، ک لە پۆست پاسەوان تایبەت لەلای وەرپرسیگ لە باشوور نەینەوا (ویلایەت دیجلە) کار کردیە، و ئیسە وەرپرس پاڵپشتیکردن لۆجستیکیە و کار بردن شانەیل خەفتگ وەرەو باشوور پارێزگای نەینەوا کەێد.
لە بەیاننامەیگتر، شانەی راگەیانن ئەمنی وت: کەرتەیل بارەگای کەرکوک وەگورەی زانیاریەیل هویردیگ و وەسوودگردن لە کارەیل هونەری و کامیرایل گەرمی، ئۆپراسیۆنیگ جیاواز لە دووڵ چای جیوەجی کردن، دویای تەقەکردن وەرد ئەندامەیل چەتەی داعش تیرۆریست، دیاری کرد ک ئەو رویوەڕویبەینە وە
کوشتن دوو تیرۆریست کۆتایی وەپی هات، وەگەرد دەسناین وەبان چەک و ئامێر وبەڵگەیلیان.
وتیش: ئی کەرتەیل ئەمنیە وەردەوامن لە جیوەجیکردن ئەرکیان لە گشت کەرتەگە ئەرا وەشوینکەفتن ئەندامەیل تیرۆری شکستهاورەیل.
