ئاسمان رووشنە و گەرمی جیگیرە.. کەشوهەوای عراق لەی رووژەیل بانانە
2023-11-06T08:25:46+00:00
شەفەق نیوز/دەسەی کەشناسی عراق، ئمڕوو دووشەممە، مەزەنەی کەشوهەوای وڵاتەگە لەی رووژەیل بانانە بڵاو کرد، و باس جیگربوین پلەی گەرمی کرد.
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو سێشەممه، لە گشت ناوچەیل وڵاتەگە رووشنە، و لە بەشەیل ناوڕاس و باکوور هویچ ئاڵشتییگ نییە، و لە ناوچەی باشوور نزیک رووژ وەرجە خوەیە.
وتیش: رووژ چوارشەممە، لە گشت ناوچەیل وڵاتەگە رووشنە و پلەی گەرمی نزیک رووژ وەرجە خوەیە.
دیاری کرد کە رووژ پەنجشەممە، لە ناوچەی ناوڕاس رووشنە و بوودە نیمچە ئەور، و لە ناوچەی باکوور نیمچە ئەورە، و لە ناوچەی باشوور رووشنە وەگەرد لەکە ئەوریگ، و پلەی گەرمی لە گشت وڵاتەگە نزیک رووژ وەرجە خوەیە.
دەسەگە وتیش: کەشوهەوای وڵاتەگە ئەرا رووژ جمعەی ئایندە، لە گشت ناوچەیل وڵاتەگە نیمچە ئەورە، و پلەی گەرمی نزیک رووژ وەرجە خوەیە.
