کازمی: هەڵەبجە سەختی ستەمەگە هەنای بکەفێدە دەس دەسەڵاتدار خەێدە هویرمان
شەفەق نیوز/ موستەفا کازمی سەرۆک وەزیران، ئمڕوو سێشەممە، دووارەبوین کوشتارەگەی هەڵەبجە وەدویر نەزانست ئەگەر چەک ویرانکردن گشتگیر بکەفێدە دەس ستەمکارەیل.
کازمی لە بەیاننامەیگ ئمڕوو وت: ئمڕوو دووڕیان زیانداریگ لە مێژوو خەبات گەلەگەمان دژوە ستەم و دیکتاتۆریەت خەێمنە یاد، ک ٣٣ ساڵیاد تاوان بمباران هەڵەبجەی شەهید لە کوردستان عراق وەچەک کیمیایی کەیمن، ک گیان هەزارەیل لە قوربانیە مەدەنیەکان لەدەس برد.
وتیش؛ تاڵی ئەو کارەساتە تا ئمڕوو لە هووشداریکردنمان وەردەوام بوی ک ئەگەر چەک ویرانکردن گشتگیر بکەفێدە دەس ستەمکارەیگ چە بوود، و چە وە ناو خوەسەهاتن و نەتەوەگرایەتی کریەێد ئەگەر رژیم تاوانبار بخەێدەی ژیر دەسپیچگ مەنین سیای خوەی جوور شەو تاریکیگ لە ستەم و رخبردن و ناشرینی.
هەڵەبجە بەڵگە و قوربانی گرانیگ بوی ک وەتایبەت گەل کوردمان دادەی، وەوجوورەگ گەل عراقیمان وە گشتی قوربانیەیلی ئەرا ئازادی و قورتاری لە ستەم دەسەڵاتدار بی ڕەوشتیگ بڕ لە گەندەڵی و کوشتار و جەنگ بیخود و خوینین.
هەمیش وت: ئمڕوو ژان یاد قوربانیەیل لە دڵمان هەڵگریمن، وەلی سەبووریمان ئەوەسە ک هەکاتی ئەو تاوانەیل سەردەم ستەمکاریە، ئەرزش ئازادی خەێدە یادمان، و ئەرزش رزگاربوین و رەدبوین و عراق وەرەو سەردەم دیموکراتیەت و بەرزەوکردن ئەرزش مرۆی عراقی.
کازمی وتیش؛ هەڵەبجە قویلی ئەو زەخمە و سەختی ئەو ستەمە خەێدە هویرمان هەنای بکەفێدە دەس دەسەڵاتدار، بەڵکم ئمڕوو لە قوربانیەیل شەهیدان و ئاهەیل گیانیان لەوەخت دەرچگن، هەستیگ ئەرا بیناکردن عراقیگ تر وەرگردیمن، وەخاتر بیناکردن عراقیگ ئازاد و دیموکراتی، سەربەرز خەڵک و هاووڵاتییەیلیلی لە گشت وژەیگ لەبان خاک پیرووزی بکەێد.
