کازمی رەسێدە نیویۆرک
شەفەق نیوز/ موستەفا کازمی سەرۆک وەزیرەیل عراق، دیدارەیلیگ وەرد بڕیگ لە شاه و سەرۆکەیل دەوڵەتەیل لە نیویۆرک ئەنجام دەێد، ئەوەیش: لە پەراویز کار و گردەوبوینەیل کۆمەڵەی گشتی نەتەوە یەکگرتگەیل، ک سوو چوارشەمە دەسوەپی کەێد.
نویسینگەی کازمی لە بەیاننامەیگ رەسیە ئاژانس شەفەق نیوز وت: کازمی ئەوەسا لەناو گردەوبوین کۆمەڵگەی گشتی وتار عراق ئویشێد، و ئەوەسا لە پەراویز کارەیل کۆمەڵگەگە، چەوی کەفێدە شمارەیگ لە شاه و سەرۆک دەوڵەتەیل برا و برادەر ک لەورا بەشداری کەن، هەمیش چەوی کەفێدە سکرتێر گشتی نەتەوە یەکگرتگەیل.
لە پەراویز بەشداریەگە، سەرۆک وەزیرەیل عراق ئەوەسا وەگەرد شمارەیگ لە وەرپرسەیل ریخریایەیل ناودەوڵەتی و هەرێمی گردەو بوود، ئەرا باسکردن لە گرنگترین باوەتەیل و هاوکاری لە جویراجویر ئاستەیل، ئەرا چارەکردن سەختیەیل ئابووری و سیاسی لە نوای عراق و ناوچەگە.
