کازمی خەوەردار پاپای ڤاتیکان کەێد ک عراق دیرێد کلیسە ویرانکریایلە ئاوەدان کەێد
شەفەق نیوز/ موستەفا کازمی سەرۆک وەزیران، ئمڕوو جمعە، دووپات کرد ک حکومەتەگەی دیرێد ئاوەدان کلسەیل ئاسەواری کەێد ک وەدەس ریخریاگ داعش رمیانە، و پەیمان وە ئاسانکاری ئەرا کل کردن بڕەیل گەشتیاری و ئاینی ئەرا شار ئوور ئاسەواری لە پارێزگای زیڤار دا.
نووسینگەی کازمی لە بەیاننامەیگ رەسیە ئاژانس شەفەق نیوز وت: کازمی چەوی کەفتە پاپای ڤاتیکان و دەسخوەشی لە سەردان مێژووی پاپا ئەرا عراق کرد، ئەرا ئەو پەیامەیل پشتگیریکردن عراقە ک لەناوی بوی ودووپاتکردن لە چەودیریکردن ئاشتی و پێکەوەژیان و نواگردن توندڕەوەی وە گشت شیوەیلی.
کازمی دووپات لە پابەندی حکومەت عراق کرد لە کارکردن ئەرا بتەوکردن مەسیحیەیل عراقی و ئەو کەمینەیل لەبان زەوی خوەیان جوی بەشیگ سەرەکی لە کۆمەڵگایان، و ئاسانکردن گلەوخواردن ئاوارەی لەلیان وەرەو ناوچەیل خوەیان، و هەمیش کارکردن لەبان هاندان چالاکیەیل کوردییان وەتایبەت خوەنەواری و تەندروسی و پێشکەشکردن گشت دەسمیەتییگ بخوازن.
سەرۆک وەزیران وتیش: حکومەتەگە دیرێد وەرەو ئاوەدانکردنەوەی ئەوەگ وەدەس داعش رمیاگە لە کلیسەیل ئاسەواری چوود، وەرد تەقەلای حکومەتەگە ئەرا ئاوەدانکردنەوەی شار ئوور لەوەر گرنکی مێژویی،و تا ئامادە بوود ئەرا پێشوازیکردن شاندەیل مەسیحی، و گرنگی ریکارەیل و پێشکەشکردن ئاسانکاری ئەرا کل کردن بڕەیل گەشتیاری و ئاینی ئەرا شار ئوور ئاسەواری دیاری کرد.
کازمی چەوی کەفتە کاردیناڵ بیارە بارولین سەرۆک وەزیرڵیل ڤاتیکان، و لە چەوپیکەفتنەگە باس پەیوەندیەیل دووانی و بتەوکردن هاوکاری و هەماهەنگی هاوبەش کریا ئەرا ئاسانکاری لە کل کردن بڕەیل گەشتیاری و ئاینی ئەرا شار ئوور ئاسەواری.
کازمی لە نووەو مکیس دەسەی گفتوگۆەیل هەمیشەیی باڵا لەناوبەین عراق و ڤاتیکان کرد ئەرا ئەنجامدان سێیەم کۆبونەوەی لە بەغداد ئەرا ئی ساڵە.
