ئازادکردن وەناوبانگترین پزشک لە دیالە دویای هەفتەیگ لە رفیانی
2023-01-20T09:23:07+00:00
شەفەق نیوز/وەرپرسیگ حکومی لە دیالە، ئمڕوو جومعە، ئازاد کردن پزیشک وەناوبانگیگ راگەیان ک ماوەی یەک هەفتەس لەناو ماڵ خوەی لە بەعقوبە دەسگیر کریاس.
قایمقام بەعقوبە عەبدولڵا حیالی، وە ئاژانس شەفەق نیوز وت: "ئەو پزیشکەی رفیاگە "عەلی حوسەینی" یەکیگە لە وەناوبانگترین پزشک بیماری ژنەیل لە دیالە، ئمڕوو ئەرا ماڵ خوەی گلەوخوارد دویای هەفتەیگ لە رفاننی وەلایەن کەسەیل نەناسریایگ".
حیالی وتیش، " تەندروسی پزیشکەگە خاسە هووکار رفاننی تا ئیسە نادیارە".
سەرچەوەیگ ئەمنی دووپاتکرد، هووکار رفاننی داواکردن پویلە وەلایەن بڕفنەیل و هیچ لایەنیگ فەرمی باس وەلی نەکردیە یا دووپاتی نەکردیە ک وەرانوەر ئازادکردن پویل دریایە.
