ئازادکردن دوو رفیاگ و کوشیان گەنجیگ وە تەقیان تفەنگ
2022-09-07T10:47:24+00:00
شەفەق نیوز/ سەرچەوەیگ ئەمنی لە ناحیەی بسیە باشوور پارێزگای موسەنا، ئمڕوو چوارشەممە، خەوەردا لە ئازادکردن دوو رفیاگ لەبان ری ناودەوڵەتی.
سەرچەوەگە ئەرا ئاژانس شەفەق نیوز وت: هیزیگ ئەمنی لە یەکیگ لە خاڵەیل بان ری ناودەوڵەتی لەناو سنوور ناحیەی بسیە باشوور پارێزگای موسەنا، ماشینیگ جێب وسان، و وەکوتپڕ خاوەنەگەی دەسگیر کرد.
سەرچەوەگە دیاری کرد ک هیزەگە دوو کەس لەناو ماشینەگە پەیا کرد، ک لەناوی دەسیان بەسیاگە، و وەکوتپڕ ئازاد کریان.
هەرلیوا، سەرچەوەیگ ئەمنی لە دیالە، خەوەردا لە تەقیان تفەنگ راویگ وەدەس گەنجیگ لە دەورگرد قەزای خاڵس.
سەرچەوەگە ئەرا ئاژانس شەفەق نیوز وت: گەنجیگ وە تەقیان تفەنگیگ راو مەوقەی راوکردنی لە حەی زەهرا لە قەزای خاڵس گیانی لەدەسدا.
وتیش: تەرم گەنجەگە ئەرا پزشک دادوەری کلکریا، و دەسەڵاتەیل لێکۆڵینەوە لە رویداوەگە واز کردن.
