ئازادکردن پارێزەریگ لە دویای چەن رووژیگ لە رفیانی لە دیالە
2022-09-09T07:45:06+00:00
شەفەق نیوز/ سەرچەوەیگ ئەمنی، ئمڕوو جومعە، خەوەردا لە ئازادکردن لەیس حەسەن تمیمی پارێزەرە لە دویای ئەوەگ وەرجە چوار رووژ لە پارێزگای دیاله رفیا.
سەرچەوەگە وە ئاژانس شەفەق نیوز وت، ئۆپراسیۆن ئازادکردنەگەی تمێمی لە ری ئەپراسیۆنیگ هەواڵگێری دیالە ئەنجامدریا.
وتیش، لە رووژ یەکەم رفانن پارێزەرەگە، وە دویاچگن ئەرا کامیرایەیل چەودێری کریا و تەڵە دانریا، ئەرک هەواڵگیریەگە ئمڕوو جیوەجی کریا، تمێمی وە دەس بەسیایی و چەو بەسیایی لە یەکیگ لە ئاوایەیل دیالە پەیاکریا.
وتیش مینەکردن لە دویای بڕفنەیل وەردەوامە، تمیمی خەڵک موقدادیەس وەرجە چوار رووژ لەدویای ئەوەگ لە ماڵ دەرچوود رفیا.
