ئازادکردن ژن رفیاییگ لە کەربەلا و دەسگیرکردن کەسیگ خوەی کردیەسە دادوەر
شەفەق نیوز/ وەزارەت ناوخۆ، ئمڕوو جومعە، خەوەردا لە ئازادکردن ژن رفیاییگ و دەسگیرکردن رفێنەرەگە لە وەختیگ پەیمانەیی لە پارێزگای کەربەلا.
وەزارەتەگە لە بەیاننامیگ ئمڕوو راگەیان، دویای ئەوەگ هاوڵاتییگ داوای دەسمیەتی لە پۆلیس دادوەری کرد ک ژنەگەی رفیاگە، فەرماندەی پۆلیس پارێزگای کەربەلا و دەزگایەیل لیوای ئەحمەد عەلی ئاگادار گشت بەشەیل پۆلیس سەر وە کەربەلا کرد، مینە و وشکنین بکەن و خاڵەیلیگ ئەرا دەسگیرکردن رفێنەرەگە دانەن.
وتیش، لە وەختیگ پەیمانەیی رفێنەرەگە دەسگیرکریا و رفیایەگە ئازادکریا لە یەکیگ لە ناوچەیل پارێزگاگە.
وبڕفنەگە دریاسە دەس لایەن تایوەت ئەرا ئەنجامدان رێکارەیل یاسایی .
لە لاییگتر مەفرەزەیل وەڕێەوبەرایەتی دژە تاوانەیل بەغدا/ نوسینگەی مەنسور دژە تاوانەیل تاوانباریگ دەسگیر کردنە خوەی کردیەسە دادوەر لە ئەنجومەن دادوەری باڵا.
دژە تاوانەیل بەغدا لە بەیاننامیگ باسکرد ک توەنستنە تاوانباریگ دەسگیر بکەن لە دویای ئەوەگ زانیاری رەسیە دەس ک چگە ناو دادگای لێکۆڵینەوەی کەرخ جویر دادوەریگ، و دان وە تاوانەگەی نایە، وەپی بەیاننامەگە دادوەر لێکۆڵەر بڕیار دایە وەپای مادەی 160 لە یاسای سزادان بگریەێد.
