ئارامگردن نرخ تەڵا لە بازاڕەیل عراق
2022-01-23T08:47:41+00:00
شەفەق نیوز/ نرخ تەڵای بیگانە و عراقی، ئمڕوو یەکشەممە، لە بازاڕەیل عێراق ئارام گرد.
پەیامنێر ئاژانس شەفەق نيوز وت: نرخ فرووشتن یەک مسقاڵ عەیار 21 لە تەڵای خەلیچی و تورکی و ئەوروپایی لە بازاڕەیل بڕ فرووشتن لە جادەی نەهەر بەغدای پایتەخت رەسیە 377 هەزار دینار، و نرخ سەنینی رەسیە 373 هەزار دینار، هەمان نرخ لە دۊیکە شەممە توومار کریایە.
پەیامنێرمان وتیش: نرخ فرووشتن یەک مسقاڵ عەیار 21 تەڵای عراقی داوەزین وەخوەی دی لەپای 347 هەزار دینار، و نرخ سەنینی رەسیە 343 هەزار دینار.
لەباوەت نرخ تەڵا لە دوکان زەڕنگەرەیلە، نرخ فرووشتن یەک مسقاڵ تەڵای خەلیجی عەیار 21 هالە ناونی 380 هەزار دینار و 385 هەزار، و نرخ فرووشتن یەک شەممە تەڵای عراقی هالە ناونی 350 و 355 هەزار دینار.
