پارێزگایگ عراقی لەوەر گەرمی دەوام فەرمی کەێدە پشوو
2023-07-19T11:02:46+00:00
شەفەق نیوز/ بارێزگای بەسرە، لە باشوور عراق، ئمڕوو چوارشەممە، پەکخستن دەوام فەرمی ئەرا سوو پەنجشەممە راگەیان، ئەوەیش لەوەر بەرزەوبوین پلەی گەرمی.
سەرچەوەیگ حکومەتی ئەرا ئاژانس شەفەق نیوز وت: حکومەت ناوخوەیی بەسرە، بڕیار پەکخستن دەوام فەرمی ئەرا سوو پەنجشەممە دا لە گشت ئەو فەرمانگەیلە ک پەیوەندی وە پارێزگاگە دیرن، بیجگە ئەمنی و تەندروسی، لەوەر بەرزەوبوین پلەی گەرمی، و رەدکردنی لە کڕ 50 پلەی سەدی.
عراق بەرزەوبوین پلەی گەرمی وەخوەی دوینێد، ک لە بەشیگ پارێزگایل لە کڕ 50 پلەی سەدی رەد کەێد یا تیەێدە نزیکی، ک بەشیگ لە دەسەڵاتیل ناوخوەیی ناچار بوون چارەسەریگ ئەرا نواگیری ئی گەرمیە پەیا بکەن، جویر کەمەوکردن کار، یا راگەیانن پشوو فەرمی.
